
Stofnuð hefur verið Rúlluskautadeild hjá Jökli!
Hugmyndin er að stundaðar verði rúlluskautaæfingar meðfram ísæfingum hjá iðkendum Jökuls ásamt því að auka enn fjölbreytileika í skautaíþróttum á Íslandi.
Rúlluskautar geta verið allskonar og undir þá flokkast meðal annars línuskautar (inline skates) og hjólaskautar (quad skates).

Rúlluskautar byggja á sama grunni og skautar á ís og þjálfa samskonar vöðvahópa og er því tilvalin og skemmtileg viðbót við ísæfingar.
Rúlluskautaæfingar munu fara fram meðal annars í nýju Hjólaskautahöllinni ásamt því að vera stundaðar úti þegar veður leyfir. Einnig munum við bjóða uppá byrjenda og grunn- rúlluskautanámskeið fyrir almenning innan skamms sem verður auglýst fljótlega.
Spennandi tímar framundan!
Comments